放暑假又係親子樂嘅日子喇！2018年世界杯盛事，當然要一齊參與吓啦！由七月二十一號起至八月二十六號，逢星期六、日，白泥生態保育農莊舉行白泥世界杯嘉年華，同大家一起踏上世界杯之旅。
會場設有多個不同區域及大型遊戲，大型遊戲區有泡泡足球，桌上足球，足球九宮格挑戰區，仲有水戰區，大型波波池及充氣迷宮等。場內仲有超大草地休憩區，同大自然零距離享受野餐，影相區，美食區，禮品區及DIY手作坊，直頭一家大細有得食有得玩足全日，放電好地方，會場提供大型停車場全日免費泊車優惠，門口落車就直接玩個夠，全日任玩都係＄100，仲可以欣賞埋全香港最靚嘅日落景觀，真係一次過滿足晒一家所需，簡直不容錯過!